அனைவருக்கும் இனிய புத்தாண்டு 2018 நல்வாழ்த்துக்கள் !

மாநிலச் சங்க நிர்வாகிகள், மாவட்டச் சங்க நிர்வாகிகள், அனைத்து ஓய்வூதியர்கள், நண்பர்கள் அனைவருக்கும் 2018 ஆங்கில புத்தாண்டு நல்வாழ்த்துக்கள் !!!

இன்சூரன்ஸ் ஊழியர்களின் மகத்தான தலைவர் தோழர். என். எம். சுந்தரம்  மறைவு.

        LICயை பொதுத்துறையில் பாதுகாத்திடும் போராட்டத்தினை தலைமையேற்று நடத்தியவரும், காப்பீட்டு ஊழியர்களின் தன்னிகரற்ற தலைவரும், தத்துவ வழிகாட்டியும், தலைசிறந்த மார்க்சிய சிந்தனையாளரும், பொருளாதார மேதையுமான தோழர். N. M. சுந்தரம் (வயது80) கடந்த 26.12.2017ல் காலமானார். அன்னாரின் நல்லடக்கம் 29.12.2017 நடைபெற உள்ளது. அவர்தம் மறைவிற்கு நமது மாநிலச் சங்கம் கொடி தாழ்த்தி அஞ்சலி செலுத்துகிறது.

 தோழரின் பிரிவால் வாடும் குடும்பத்தாருக்கும் நண்பர்களுக்கும் தோழர்களுக்கும் நமது ஆழ்ந்த இரங்கலை தெரிவிக்கின்றோம்.

 அனைவருக்கும் இனிய கிறிஸ்மஸ் வாழ்த்துக்கள் !

AIBDPA 3வது புதுச்சேரி மாவட்ட மாநாடு.

          23-12-2017 சனிக் கிழமை அன்று புதுச்சேரி BSNLEU மாவட்ட சங்கக் கட்டடத்தில் வைத்து மாவட்டத் தலைவர் தோழர். S. ஜெயராமன் தலைமையில் புதுச்சேரி 3வது மாவட்ட மாநாடு உற்சாகமாக நடைபெற்றது. முன்னதாக தேசியக் கொடியை தோழர். S. ஜெயராமனும், சங்கக் கொடியை மாநிலச் செயலர் C. K. நரசிம்மனும் விண்ணதிரும் கோஷங்களுக்கிடையே ஏற்றி வைத்தனர்.தோழர்.  M. பாலசுப்பிரமணியன் தியாகிகளுக்கு அஞ்சலி செலுத்தினார். மாவட்டச் செயலர் தோழர். P. சக்திவேல் வரவேற்புரை ஆற்றினார்.

               மாநிலச் செயலர் தோழர்.  C. K. நரசிம்மன் மாநாட்டை துவக்கி வைத்து துவக்க உரை ஆற்றினார்.  AIBDPA மாநிலத் தலைவர் தோழர். P. மாணிக்க மூர்த்தி, சிறப்பு அழைப்பாளர் தோழர். S. முத்துகுமாரசாமி, கடலூர் மாவட்டச்செயலர் தோழர். I.M. மதியழகன், புதுவை SNEA மாவட்டச் செயலர் தோழர். ஹரிதாஸ், BSNLEU புதுவை மாவட்டச் செயலர் தோழர். A. சுப்பிரமணியன், மாவட்ட உதவித்தலைவர் தோழர். N. கொளஞ்சியப்பன், TNTCWU மாவட்டச்செயலர் தோழர். B. மகாலிங்கம் ஆகியோர் வாழ்த்துரை ஆற்றினர்.

          மாவட்டத் தலைவராக தோழர். P. சக்திவேல், மாவட்டச் செயலராக தோழர். V. ராமகிருஷ்ணன், மாவட்டப் பொருளாளராக தோழர். M.பாலசுப்பிரமணியன் ஆகியோர் ஏகமனதாக புதிய நிர்வாகிகளாக தேர்வு செய்யப்பட்டனர். 50க்கும் மேற்பட்ட தோழர்கள் கலந்து கொண்ட மாநாட்டின் நிறைவாக தோழர். கோவிந்தராஜ் நன்றி கூறினார்.

உற்சாகமாக நடைபெற்ற வேலூர் 3வது மாவட்ட மாநாடு.

      19-12- 2017 செவ்வாய் கிழமை அன்று வேலூர் K. M. நாதன் மஹாலில் வைத்து மாவட்டத் தலைவர் தோழர். V. ஏழுமலை தலைமையில் வேலூர் 3வது மாவட்ட மாநாடு உற்சாகமாக நடைபெற்றது. தோழர். R.பழனிச்சாமி தியாகிகளுக்கு அஞ்சலி செலுத்தினார். மாவட்டச் செயலர் தோழர். B.ஜோதி சுதந்திரநாதன் வரவேற்புரை ஆற்றினார். 

               மாநிலச் செயலர் C.K. நரசிம்மன் துவக்க உரை ஆற்றினார். AIBDPA அகில இந்திய சங்க ஆலோசகர்  தோழர். V.A.N. நம்பூதிரி, AIBDPA மாநிலத் தலைவர் தோழர். P. மாணிக்க மூர்த்தி ஆகியோர் சிறப்புரை ஆற்றினர்.

        வேலூர்  BSNL முதன்மை பொது மேலாளர் திரு. K. வெங்கட்ராமன் மற்றும் சகோதர சங்க பொறுப்பாளர்கள் கலந்து கொண்டு வாழ்த்துரை வழங்கினர்.

          மாவட்டத் தலைவராக தோழர். V. ஏழுமலை, மாவட்டச் செயலராக தோழர். B.ஜோதி சுதந்திரநாதன், மாவட்டப் பொருளாளராக தோழர். ஸ்ரீதரன் ஆகியோர் ஏகமனதாக புதிய நிர்வாகிகளாக தேர்வு செய்யப்பட்டனர்.