AIBDPA 3வது சென்னை மாவட்ட மாநாடு.

19-04-2016 ல் சிறப்பாக நடைபெற்ற 3வது சென்னை மாவட்ட மாநாடு.

               மாவட்டத் தலைவர் தோழர். T. கோதண்டம் தலைமையில் நடைபெற்ற 3வது சென்னை மாவட்ட மாநாடு இன்று 19-04-2016 அன்று சிறப்பாக நடைபெற்றது. வந்திருந்த அனைவரையும் மாவட்டச் செயலர் தோழர். N. சாய்ராம் வரவேற்றார். அஞ்சலி உரையினை தோழர். சுசிலா மோகனவேலு நிகழ்தினார்.

        மாநிலத் தலைவரும் அனைத்திந்திய துணைத்தலைவருமான தோழர். S. மோகன்தாஸ் மாநாட்டை துவக்கி வைத்து துவக்க உரையாற்றினார். தமிழ் மாநிலச் செயலர் தோழர். C. K. நரசிம்மன் சிறப்புரை ஆற்றினார். மாநில உதவிச் செயலர் தோழர். S. நடராஜா மற்றும் அஞ்சல் ஆர்எம்எஸ் ஓய்வூதியர் சங்க மாவட்டச் செயலர் தோழர். M.R.M. மீனாட்சி சுந்தரம் ஆகியோர் வாழ்த்துரை வழங்கினர். மாவட்டச் செயலரால் முன் வைக்கப்பட்ட ஆண்டறிக்கையும் வரவுசெலவு கணக்கும் ஏகமனதாக ஏற்றுக்கொள்ளப்பட்டது.

    1  .   புதிய பென்ஷன் திட்டத்தை ரத்து செய்ய வேண்டும்,

2. 7வது சங்க அங்கிகாரத் தேர்தலில் BSNL ஊழியர்சங்கம் வெற்றிபெற அனைத்து பணிகளிலும் ஒத்துழைப்பது,

3. தமிழகத்தில் நடைபெற உள்ள சட்டமன்ற தேர்தல் 2016ல் இடது சாரிகளின் ஆதரவு பெற்ற மக்கள் நலக்கூட்டணியை ஆதரிப்பது,

4. வரும் 2016 ஜூன் மாதம் முழுவதும் AIBDPA சங்கத்திற்கு உறுப்பினர் சேர்ப்பு இயக்கம் நடத்துவது

உள்ளிட்ட பல தீர்மானங்கள் ஏகமனதாக நிறைவேற்றப்பட்டன.

           மேலும் வரும் ஆண்டிற்கு புதிய நிர்வாகிகளாக மாவட்டத் தலைவராக தோழர். S. நடராஜா, மாவட்டச் செயலராக தோழர். T. கோதண்டம், மாவட்டப் பொருளாளராக தோழர். N. சாய்ராம் ஆகியோர் ஏக மனதாக தேர்வு செய்யப்பட்டனர்.

 

Leave a Reply