• வெற்றிகரமாக நடைபெற்ற ஆர்ப்பாட்டம் – துணை டவர் நிறுவனம் அமைக்கப்படுவதை எதிர்த்து ALL UNIONS AND ASSOCIATIONS OF BSNL நடத்தியது.- AIBDPA பங்களிப்பு

    வெற்றிகரமாக நடைபெற்ற ஆர்ப்பாட்டம் – துணை டவர் நிறுவனம் அமைக்கப்படுவதை எதிர்த்து ALL UNIONS AND ASSOCIATIONS OF BSNL – நாடு தழுவிய ஆதரவு ஆர்ப்பாட்டத்தில் AIBDPA கலந்து கொண்டது.

                 தமிழகம் எங்கும் சிறப்பாக நடைபெற்ற – துணை டவர் நிறுவனம் அமைக்கப்படுவதை எதிர்த்து ALL UNIONS AND ASSOCIATIONS OF BSNL நடத்திய கண்டன ஆர்ப்பாட்டத்தில் சென்னை, ஈரோடு, வேலூர், கோவை, திருப்பூர், திருச்சி, குன்னூர், திண்டுக்கல், புதுவை, கடலூர்,  கும்பக்கோணம், திண்டுக்கல், விருதுநகர் ,தூத்துக்குடி, நாகர்கோவில் உள்ளிட்ட  பல இடங்களில்  ஓய்வூதியர்கள் கலந்து கொண்டனர். ஏற்பாடு செய்த மாவட்டச் செயலர்கள், கலந்து கொண்ட ஓய்வூதியர் தோழர்களையும் மாநிலச் சங்கம் மனதார பாராட்டுகிறது.

                  டெல்லியில் நடைபெற்ற ஆர்ப்பாட்டத்தில் கலந்து கொண்ட AUAB தலைவர்களையும் தோழர்களையும் டெல்லி காவல்துறை கைது செய்து மாலையில் விடுவித்தது. இதுவே நமது போராட்டத்திற்கு கிடைத்த மாபெரும் வெற்றியாகும் . வெற்றி பெறும் வரை போராட்டத்தை கையில் எடுப்போம் !

    டெ

     

  • AUAB நடத்தும் ஆர்ப்பாட்டத்திற்கு AIBDPA நாடு தழுவிய ஆதரவு.

    துணை டவர் நிறுவனம் அமைக்கப்படுவதை எதிர்த்து ALL UNIONS AND ASSOCIATIONS OF BSNL – நடத்தும் ஆர்ப்பாட்டத்திற்கு AIBDPA நாடு தழுவிய ஆதரவு.

    ஊழியர்கள் மற்றும் அதிகாரிகளின் கடும் எதிர்ப்பையும் மீறி 01.04.2018 முதல் துணை டவர் நிறுவனத்தை செயல்படுத்த தொலை தொடர்பு துறையும் அரசாங்கமும் வேகமாக செயல்பட்டு வருகின்றது. BSNLன் வளர்ச்சியை இந்த துணை டவர் நிறுவனம் நிறுத்திவிடும் என்ற காரணத்திற்காகவே இந்த துணை டவர் நிறுவனம் அமைக்கப்படுவதை AUAB எதிர்த்து வருகின்றது. BSNLஐ பலவீனப்படுத்த அரசு எடுத்த முயற்சிகள் எல்லாம் தோல்வியுற்றதால் அரசு இறுதி முயற்சியாக BSNLலின்  டவர்களை அதனிடம் இருந்து பறித்து முடமாக்க பார்க்கிறது. BSNLலின் உயிர் மூச்சு அதன் டவர்கள் தான். அந்த டவர்கள் BSNLலிடம் இருந்து பறிக்கப்பட்டது என்று சொன்னால் அது வெறும் எலும்புக்கூடாக மாறிவிடும். துணை டவர் நிறுவனத்தின் CMDஆக ஒரு IAS அதிகாரியை தொலை தொடர்பு துறை நியமித்துள்ளது. எனவே கண்டிப்பாக இது BSNL இயக்குனர் குழுவின் கீழ் செயல்படாது. தனி நிறுவனமாகவே செயல்படும். இது அரசாங்கம் நடத்தும் ஒரு பகல் கொள்ளை. ஏமாற்று வேலை.

        எனவே BSNL நிறுவனத்தை பாதுகாப்பதற்காக இந்த துணை டவர் நிறுவனம் அமைப்பதை தடுத்து நிறுத்திட 27.03.2018 அன்று அனைத்து கிளைகளிலும் பெருந்திரள் ஆர்ப்பாட்டங்களை நடத்திட வேண்டும் என ALL UNIONS AND ASSOCIATIONS OF BSNL அறை கூவல் விடுத்துள்ளன. இந்த போராட்டத்தின் உண்மை நிலையை கருத்தில் கொண்டு AIBDPA மத்திய மாநிலச்சங்கம் ஓய்வூதியர்கள் அனைவரும் கலந்து கொண்டு வெற்றிகரமாக்கிட வேண்டுகிறது. அனைத்து மாவட்டச்சங்க செயலர்கள் உரிய ஏற்பாடுகளை செய்து ஆர்ப்பாட்டத்தில் கலந்து கொள்ள மாநிலச் சங்கம் வேண்டுகிறது.

  • உற்சாகமாய் நடைபெற்ற 3வது நெல்லை மாவட்ட மாநாடு

    AIBDPA 3வது நெல்லை மாவட்ட மாநாடு.

                       AIBDPA 3வது நெல்லை மாவட்ட மாநாடு இன்று 25.03.2018ல் நெல்லை  “நவஜீவன் டிரஸ்ட் ” கட்டிடத்தில் வைத்து மாவட்டத் தலைவர் தோழர். S. முத்துச்சாமி தலைமையில் நடைபெற்றது. தியாகிகளுக்கு அஞ்சலியை தோழர். S. முத்துச்சாமி செலுத்தினார். மாவட்டச் செயலர் தோழர். D. கோபாலன் வரவேற்புரை நிகழ்த்தினார். மாநாட்டை துவக்கிவைத்து அகில இந்திய துணைத் தலைவர் தோழர். S. மோகன்தாஸ் விரிவான உரை நிகழ்த்தினார். அவர் தனது உரையில் போராட்டங்களின் முன்னேற்றமாக உதிய / பென்ஷன் மாற்றத்தில் அமைச்சருடன்  நடைபெற்ற பேச்சுவார்த்தை, கூட்டு போராட்டத்தை கொச்சைபடுத்தும் சில சங்கங்களின் விமர்சனங்கள, மத்திய மாநில அரசுகளின் மக்கள் விரோத செயல்பாடுகள், GSTயால் ஏற்பட்ட தொழில் முடக்கம், பணமதிப்பு இழப்பால் மக்கள் பட்ட துன்பங்கள், மதவாத சக்திகளால் ஏற்படும் இன்னல்கள் என விரிவான உரையாற்றினார்.

            AIBDPA மாநில உதவித் தலைவர் தோழர். S. தாமஸ், அனைத்து துறை ஓய்வூதியர் சங்க மாவட்டச் செயலர் தோழர். S. வைகுண்ட மணி, BSNLEU மாநில அமைப்புச் செயலர் தோழர். V. சீதாலெட்சுமி வாழ்த்துரை வழங்கினார். AIBDPA மாநிலச்செயலர் தோழர். C.K. நரசிம்மன் சிறப்புரை வழங்கினார். அவர் தனது உரையில் பென்ஷன் மாற்றத்தில் ஏற்பட்ட மாற்றங்கள், கூட்டு போராட்டங்களுக்கு கிடைத்த வெற்றி, மக்கள் பிரச்சனையில் அரசின் மெத்தனப்போக்கு, நாடு தழுவிய மக்கள், விவசாயிகள் போராட்டம், 78.2 சத நிலுவைத்தொகையில் உள்ள முரண்பாடுகள், மருத்துவ படி நிலுவைகளுக்காக மாநிலச் சங்கம் எடுத்துள்ள செயல்பாடுகள்,  விடுபட்ட ஊழியர்களின் பிரச்சனைகள், மாநில மத்தியச்சங்கங்கள் தீர்த்து வைத்த பிரச்சனைகள், மதுரையில் நடைபெற உள்ள மாநில செயற்குழு, சென்னையில் நடைபெற உள்ள அதாலத்தில் நமது சங்கம் சார்பில் கொடுத்துள்ள கோரிக்கைகள் என அனைத்தையும் விரிவாக எடுத்துரைத்தார். அகில இந்திய அமைப்புச் செயலர் தோழர். K.காளி பிரசாத், மாநிலப் பொருளாளர் தோழர். S. நடராஜா ஆகியோர் சிறப்புரை ஆற்றினர். 

         அனைத்து ஆசிரியர் ஓய்வூதியர் சங்க மாவட்டச் செயலர் தோழர். S.நெடுஞ்செழியன், மின்வாரிய ஓய்வூதியர் சங்க மாநில துணைப் பொதுச் செயலர் S.ராஜாமணி வாழ்த்துரை வழங்கினார். நவஜீவன் டிரஸ்ட் நிர்வாகி திரு. சந்திர சேகர நளன், அரசு போக்குவரத்து ஓய்வூதியர் சங்க மாவட்டச் செயலர் தோழர். P. முத்துக்கிருஷ்ணன், BSNLEU மாவட்டத் தலைவர் தோழர். ராஜகோபால், மாவட்டச் செயலர் தோழர். N. சூசை மரிய அந்தோணி, AIBDPA மாவட்டச் செயலர்கள் தோழர். M. அய்யாச்சாமி (விருதுநகர்), தோழர்.A. மீனாட்சி சுந்தரம் (நாகர்கோவில்) தோழர். P.ராமர் (தூத்துக்குடி) TNTCWU மாவட்டச் செயலர் தோழர். S.முருகன், மாவட்ட மூத்த தோழர். A. வேம்புராஜா உட்பட பல தோழர்கள் வாழ்த்துரை வழங்கினர். அமைப்புநிலை விவாதத்தில் தோழர். A. சுவாமி குருநாதன், தோழர். V. சீதாலட்சுமி  உட்பட பலர் பேசினர். மாநிலச்சங்கத்திற்கு நன்கொடையாக ரூபாய் 1500/- வழங்கப்பட்டது. அனைத்து தலைவர்களுக்கும் நினைவு பரிசாக புத்தகம் வழங்கப்பட்டது. மேலும் அனைவருக்கும் கைப்பை வழங்கப்பட்டது.

                      புதிய நிர்வாகிகளாக மாவட்டத் தலைவர் தோழர். S. முத்துச்சாமி, மாவட்டச்செயலர் தோழர். D. கோபாலன், மாவட்டப் பொருளாளர் தோழர். V. சீதாலட்சுமி ஆகியோர் ஏகமனதாக தேர்வு செய்யப்பட்டனர்.

            ஓய்வூதியமாற்றம் கிடைக்க நடைபெறும் கூட்டு போராட்டங்களுக்கு வாழ்த்து, புதிய பென்ஷன் ரத்து, துணை டவர் கம்பேனி ரத்து,  என 8 தீர்மானங்கள் மாநாட்டில் நிறைவேற்றப்பட்டன. நிறைவாக மாவட்ட தணிக்கையாளர் தோழர். D. சந்திரபோஸ் நன்றி கூறினார். 

               சிறப்பான ஏற்பாடுகளோடு வித்தியாசமான நினைவுப்பரிசாக புத்தகங்கள் வழங்கிய மாவட்டச் சங்கத்தையும் அதன் முன்னணி தோழர்களையும் மாநிலச் சங்கம் மனதார பாராட்டுவதோடு தேர்ந்தெடுக்கப்பட்ட புதிய நிர்வாகிகளையும் வாழ்த்தி வரவேற்கிறது. 

  • 16-04-2018ல் தமிழ் மாநிலச் செயற்குழு கூட்டம் – மதுரையில்

    மதுரையில் தமிழ் மாநிலச் செயற்குழு கூட்டம்.

             AIBDPA தமிழ் மாநிலச் செயற்குழுக் கூட்டம் வருகின்ற 16-04-2018 திங்கட்கிழமையன்று மதுரையில்  வைத்து மாநிலத் தலைவர் தோழர். P. மாணிக்கமூர்த்தி தலைமையில் நடைபெற உள்ளது.

    இடம் : மதுரை  தல்லாகுளம் வாடிக்கையாளர் சேவைமைய வளாகம், முதல்மாடி, மனமகிழ் மன்றம்.

    நேரம் :  16-04-2018 திங்கட்கிழமை, காலை 1000 மணி

    துவக்க உரை : 

    மத்தியச் சங்க ஆலோசகர் தோழர். V. A. N. நம்பூதிரி, AIBDPA

     

    ஆய்படு பொருள் 

    (1) (அ) செயல் அறிக்கை 

         (ஆ)  நிதி நிலை அறிக்கை

    (2) அமைப்பு நிலை

            (அ)   உறுப்பினர் சேர்ப்பு இயக்கம்.

            (ஆ)  பகுதிப்பணம் அனுப்பிய விபரம்.

             (இ)  78.2 % நிதி

             (ஈ)  மாவட்ட மாநாடுகள்

           (உ)  மாநில மாநாடு

    (3) நடந்து முடிந்த இயக்கங்கள் பரிசீலனை.

    (4)  பென்ஷன் மாற்றம்.

    (5) மாநில அளவில் தீர்க்கப்பட வேண்டிய பிரச்சனைகள்.

     (6) டெலிபென்ஷனர்

    (7) தீர்மானங்கள்

    (8) இன்னபிற 

       அனைத்து மாநிலச் சங்க நிர்வாகிகளும்,  சிறப்பு  அழைப்பாளர்களும், மாவட்டச் செயலர்களும் தவறாமல் கலந்து கொள்ள வேண்டுகிறோம். 

    குறிப்பு :- பகுதிப்பணம் செலுத்த வேண்டிய மாவட்டங்கள் மற்றும் 78.2% IDA நிலுவைத்தொகை நிதி வழங்க வேண்டிய மாவட்டங்கள் அதனை செலுத்தும் வகையில் தயாரிப்புடன் வரவேண்டும்.

  • AIBDPA நெல்லை 3வது மாவட்ட மாநாடு.

    நெல்லை 3வது மாவட்ட மாநாடு.

    நாள் : 2018 மார்ச் 25, ஞாயிற்றுக் கிழமை.

    இடம் : நெல்லை “நவஜீவன் டிரஸ்ட்” கட்டிடம். ( புதிய பேருந்து நிலையம் அருகில்)

    தலைமை : தோழர். S. முத்துசாமி, மாவட்டத் தலைவர்,

    வரவேற்புரை : தோழர். D. கோபால், மாவட்டச் செயலர்,

    துவக்க உரை :  

    தோழர். S. மோகன்தாஸ், அகில இந்திய உதவித் தலைவர், AIBDPA.

    சிறப்புரை :

    தோழர். C.K. நரசிம்மன், மாநிலச் செயலர், AIBDPA.

    தோழர்.K. காளிபிரசாத், அகில இந்திய அமைப்புச் செயலர்.

    தோழர். S. நடராஜா, மாநிலப் பொருளாளர். 

     

    வாழ்த்துரை :

    தோழர். S. தாமஸ், CVP, AIBDPA.

    தோழர். N. சூசை மரிய அந்தோணி, DS, BSNLEU.

    தோழர். V. சீதாலட்சுமி, COS BSNLEU.

    தோழர். S. முருகன், DS TNTCWU.

    தோழர்.A. மீனாட்சி சுந்தரம், DS AIBDPA NGC.

    தோழர். M. பெருமாள்சாமி, CVP AIBDPA. 

    தோழர். P. ராமர், DS AIBDPA TT.

    தோழர். M. அய்யாசாமி, DS AIBDPA VGR.

    தோழர்.S. வைகுண்டமணி, DS, அனைத்துத் துறை ஓய்வூதியர் கூட்டமைப்பு.

     தோழர். S. நெடுஞ்செழியன், DS TNRTA.

    தோழர். S. ராஜாமணி, CAGS, மின்வாரிய ஓய்வூதியர் சங்கம்.

    தோழர். P. முத்துக்கிருஷ்ணன், DS, போக்குவரத்து ஓய்வூதியர் அமைப்பு.

    மற்றும் சகோதர சங்க பொறுப்பாளர்கள்.

    நன்றி உரை : தோழர். D. சந்திரபோஸ்.

  • விஞ்ஞானி ஸ்டீபன் வில்லியம் ஹாக்கிங் மறைவு

    நெஞ்சார்ந்த அஞ்சலி!

    மாபெரும் இயற்பியல் விஞ்ஞானியும்
    கடவுளுக்கு எதிரான மிகப்பெரும்
    அறிவியல் போராளியுமாய் இருந்த
    தன் அறிவால் மட்டுமே இதுவரை
    வாழ்ந்து வந்த மாபெரும் அறிஞர்
    ஸ்டீபன் ஹாக்கிங் இன்று தம்
    76 ஆம் வயதில் காலமானார்.
    அவருக்கு நமது தமிழ் மாநிலச் சங்கத்தின் சார்பில் நெஞ்சார்ந்த அஞ்சலி !!!

     

           ஸ்டீபன் வில்லியம் ஹாக்கிங் (Stephen William Hawking, (ஜனவரி 8 , 1942 -14 மார்ச்சு 2018) , ஒரு கோட்பாட்டு இயற்பியலாளர் ஆவார். இங்கிலாந்திலுள்ள ஆக்ஸ்போர்டில் பிறந்தவர். கேம்பிரிஜ் பல்கலைக்கழகத்தில் கணிதத்துக்கான லூக்காசியன் பேராசிரியராகப் பணியாற்றினார்.

          இவருடைய முக்கியமான ஆய்வுத்துறைகள், அண்டவியலும் (cosmology), குவாண்ட்டம் ஈர்ப்பும் (quantum gravity) ஆகும். ஆராய்ச்சித் துறைக்கான இவரது முக்கியமான பங்களிப்புகள், கருந்துளை (black holes) களுக்கும், வெப்ப இயக்கவியலுக்குமான தொடர்புகள் பற்றிய கட்டுரைகளில் உள்ளடங்கியுள்ளன. கருந்துளையினுள் ஒளியூட்பட எதுவுமே வெளியேறமுடியாது என்று நம்பப்பட்டதற்கு மாறாகக் கருந்துளையினுள் துணிக்கைகள் (Particles) வெளியேறுகின்றன வென்றும், அதன்மூலம் காலப்போக்கில் இல்லாமல் போய்விடுகின்றன என்றும், இவரது ஆராய்ச்சிகள் காட்டின. இவ்வெளியேறும் கற்றைக்கு “ஹாக்கிங் கதிர்வீச்சு” என்று பெயர்.

    சாதாரண மக்களுக்காக அவர் எழுதிய நூல்கள்-

    காலம் : ஒரு வரலாற்றுச் சுருக்கம் (A Brief History of Time) (பன்டம் பதிப்பு,1988)

    கருங்குழிகள் மற்றும் குழந்தைப் பிரபஞ்சங்களும், வேறு கட்டுரைகளும் (Black Holes and Baby Universes and Other Essays) (பண்டம் புக்ஸ், 1993)

    பிரம்மாண்ட வடிவமைப்பு (The Grand Design)

          ஆனால் எதிர்பாராத விதமாக இன்று தமது மூளையின் இயக்கத்தை முழுமையாக நிறுத்திக் கொண்டார். ஆனால் அவரது அறிவியல் கருத்துகள், அறிவியல் உலகிற்கு மிகுந்த அசைவூக்கமுள்ள, உயிர்த்துடிப்புள்ள கருத்துகளாக என்றும் உயிர்ப்புடன் நிலவும். ஸ்டீபன் ஹாக்கிங்சைப் புறந்தள்ளிவிட்டு அறிவியலை எவரும் கற்க முடியாது.

    ஒரு வேளை, அறிவியல் மரணமடையும் காலத்தில்தான் ஸ்டீபன் ஹாக்கிங்சின் உண்மையான மரணம் நிகழும்.

  • தற்கொலையல்ல…. போராட்டமே தீர்வு…. வென்றனர் விவசாயிகள் !

    எழுச்சியுடன் நடைபெற்ற மகாராஷ்டிர விவசாயிகள் பேரணி வெற்றியில் நிறைவடைந்தது.

             மகாராஷ்டிரா மாநிலம் நாசிக் முதல் மும்பாய் வரை 2018 மார்ச் 06 முதல் மார்ச் 12 வரை 200 கிலோமீட்டர் தூர எழுச்சி மிக்க விவசாயிகளின் பேரணி மகத்தான வெற்றி பெற்றுள்ளது.

                     நவீன தாராளமயக் கொள்கையால் வாழ்வாதாரத்தை இழந்த இந்திய விவசாயிகளில் இதுவரை 4லட்சம் விவசாயிகள் தற்கொலை செய்துள்ளனர். அதில் மகராஷ்டிர விவசாயிகள் 76 ஆயிரம் பேர். ஒவ்வொரு மரணத்திற்கு பின்னும் ஒரு விவசாயக் குடும்பம் அழிந்துள்ளது. ராஜஸ்தானைத் தொடர்ந்து மகராஷ்டிராவில் நடைபெற்ற இன்றைய விவசாயிகள் பேரணி சரித்திரம் படைத்துள்ளது. மோடி அரசினாலும் பிஜேபி மாநில அரசுகளாலும் கடும் பாதிப்பிற்கு உள்ளான விவசாயிகளே வீதியில் வந்து போராடுகின்றனர். விவசாயிகளின் கோபத்தைக் கண்ட அகில இந்திய விவசாயிகள் சங்கமும் சிபிஎம் கட்சியும் வடிவம் கொடுத்தன. வழிச்செலவுக்கு கூட காசு இல்லாமல் புறப்பட்ட விவசாயிகளுக்கு  வழிநெடுகிலும் மக்கள் ஆதரவு பெருகியது. நெடும் பயணத்திலும் தலித், முஸ்லிம், சீக்கிய அமைப்பினர்களும் விவசாயிகளுக்கு உணவும் தண்ணீரும் வழங்கினர். மேலும் குருத்வாராக்களிலும், மசூதிகளிலும் இருந்தும் உணவு வழங்கப்பட்டது.

         ஐஐடி உள்ளிட்ட கல்வி நிறுவனங்களில் உள்ள மாணவர்களும், ஆசிரியர்களும் போராட்டக்களத்தில் இணைந்தனர். சட்டமன்றத்தை முற்றுகையிடும் விவசாயிகளுடன் தலித் அமைப்புகளும் கரம் கோர்த்தனர். பொருளாதார நகரமான மும்பாய் “மகத்தான மக்கள் திரளுக்கு” வரலாற்றுச் சாட்சியமாக மாறியது. போராட்டக்காரர்களை வாழ்த்தி CPM கட்சியின் பொதுச்செயலர் தோழர். சீத்தாராம் யெச்சூரி பேசினார்.

              போராட்ட எழுச்சியைக்கண்ட மகாராஷ்டிர அரசு பணிந்தது. முதல்வர் தேவேந்திர பட்நாவிஸ் விவசாயிகள் சங்க  அகில இந்தியத் தலைவர் அசோக் தாவ்லே தலைமையிலான பிரதிநிதிகளுடன்  பேச்சுவார்த்தை நடத்தினார். விவசாயிகளின் 9 அம்ச கோரிக்கைகளும் ஏற்கப்பட்டு எழுத்துபூர்வ உத்தரவாதம் அளிக்கப்பட்டதால் போராட்டம் திரும்பப்பெறப்பட்டது. 

       தற்கொலையல்ல…. போராட்டமே தீர்வு…என்று வென்று காட்டிய மகாராஷ்டிரா விவசாயிகளுக்கு AIBDPA தமிழ்மாநிலச் சங்கம் சபாஷ் சொல்லி பாராட்டுவதோடு கலந்து கொண்ட அனைவருக்கும் செவ்வணக்கம் கூறுகிறது.

  • வேலூரில் மகளிர் தின கொண்டாட்டம்

    வேலூரில் விமரிசையாக நடைபெற்ற சர்வதேச  மகளிர் தின கொண்டாட்டம்.

     

                   08-03- 2018 வியாழக்கிழமை அன்று வேலூர் பெல்லியப்பா  கட்டிடத்தில் வைத்து மாவட்டத் தலைவர் தோழர். V. ஏழுமலை தலைமையில் சர்வதேச மகளிர் தின கருத்தரங்கம் மிக உற்சாகமாக நடைபெற்றது. மாவட்டச் செயலர் தோழர். B.ஜோதி சுதந்திரநாதன் வரவேற்புரை ஆற்றினார்.

              AIBDPA மாநில உதவிச் செயலர் தோழர். C. ஞானசேகரன், மாநில அமைப்புச் செயலர் தோழர். K. கிருஷ்ண மூர்த்தி, BSNLEU மாவட்டச் செயலர் தோழர்.  C. தங்கவேல் ஆகியோர் வாழ்த்துரை வழங்கினர். சமூக ஆர்வலர் தோழர். பிரவீனா சிறப்புரை ஆற்றினார். இன்றைய வாழ்வில் பெண்களின் நிலைபாடு, உடல் ஆரோக்கியம் பேணுவது, உணவு முறைகளில் நமது பழக்கவழக்கங்களை நடைமுறைப்படுத்துவது உள்ளிட்ட அனைத்து அம்சங்களையும் விவரித்ததோடு வாழ்வியலில்நமது கடமைகளையும் எடுத்துரைத்தார். 50க்கும் மேற்பட்ட பெண் தோழர்கள் உட்பட 100 மேற்பட்டவர்கள் கலந்து கொண்டு சிறப்பித்தனர். நிறைவாக மாவட்டப் பொருளாளர் தோழர். ஸ்ரீதரன் நன்றி கூறினார்.

            சர்வதேச மகளிர் தின கருத்தரங்கை சிறப்பாக நடத்திய வேலூர் மாவட்டச் சங்கத்தை சபாஷ் சொல்லி தமிழ் மாநிலச் சங்கம் பாராட்டுகிறது. தொடரட்டும் இப்பணி !

  • மகளிர் தின வாழ்த்துக்கள் !

    அனைவருக்கும் இனிய சர்வதேச மகளிர் தின வாழ்த்துக்கள் !

    அன்பினில் அறிவினில் உறைவிடமாய் பெண் உயர்ந்து விளங்கிட – பெண் விடுதலையே சமூக வளர்ச்சி என்ற நோக்கில் அனைத்து மகளிரும் சமூக விடுதலையோடு உயர்ந்திட சர்வதேச மகளிர் தின வாழ்த்துக்கள் !

    போற்றுவோம் பெண்மையை !!

    பெண்ணின் முன்னேற்றமே தேசத்தின் முன்னேற்றம்.

  • வேலூரில் மகளிர் தினக் கொண்டாட்டம்.

    வேலூரில் AIBDPA சார்பில் மகளிர் தினக் கொண்டாட்டம்.

        2018 மார்ச் 8ல் சர்வதேச மகளிர் தின கொண்டாட்டம் வேலூரில் உள்ள பெல்லியப்பா கட்டிடத்தில் வைத்து அன்று காலை 1000மணி அளவில் AIBDPA சார்பில் மாவட்டத் தலைவர் தோழர்.  V. ஏழுமலை தலைமையில் நடத்திட முடிவு செய்யப்பட்டு அதற்கான பணிகளை வேலூர் மாவட்டச்சங்கம் செய்து வருகிறது.